留言回覆Aug. 2012

■ 第十三則

阿清箸2012年8月23日下午3:35留言：

陳 *先講伊小學五年的時，有一擺做風颸(thai1)，誠濟人走去怹tau1覕，風若透了較大，著有婦人人(hu7 lin5 lang5)咧祈禱：「天公伯啊，好心好量！可憐儕(tsai)烏土蟲子，每(bé)透透加(k’a)小咧！」tsia5，bé =beh(「馬」的變調be55 =「欲」的變調be55)，k’a=k’ah(「加」的本調kha55 =「khah4」的變調)。這無論是記音，或者是陳 *先日常的口音，怹hia5的喉塞韻減采著已經有咧流失的現象。

如果可以用口語解說，或補上董同龢先生《廈門音韻》的那段字，又是一個好教材。Haiker說你常有神來一筆，不清楚一筆怎算「常」？

清華先：

1. 誠拄好《廈門方言的音韻》無囥箸身邊，我查《四個閩南方言》，無類似的記載。《記台灣的一種閩南話》有講陰入聲的-h尾有兩種變調，一部分是短而高的調；另一部分是變高降調，並且-h尾也消失了。這寡話寫了較曖昧，一方面講「短而高」，一方面佫講「並且」、「也」消失了；安呢汝看「短」的-h有消失 *無？但是我記徦真清楚，伊箸《廈門方言的音韻》講這個「短」的高平變調，-h無消失，而且佫有舉例。

2. H兄愛講笑。

3. 後回毋通一遍寫hiah4濟條留言，thiam2。身軀洗洗 *咧欲來oo¹¹ oo²⁴睏，御休みなさい。(2012年8月23日下午9:08)

■ 第十二則

阿清箸2012年8月23日下午3:04：

台灣在家講潮汕話的人，多不多？他們說台語時-n都習慣性的變成-g否？

除你發現的之外，本文尚有，屎潑、有當時仔難免會較離經淡薄 *啊…等，應可再重新檢視，一次性修改。

清華先：

1. 在我所知，台北市第一、二代的新住民猶有咧講，第三代著誠少啊。第一代兮大部分計八、九十歲，第二代兮一般嘛五、六十。

十偒年前，我箸世貿バイト，知影有一位咧做文具禮品的頭家，潮州人，大約仔咸歌星薛岳怹頂下歲。怹大姊嘛箸公司內底，應該是四十年次左右。怹私下攏講潮州話，講台語無腔，-n、-g分徦真清楚。兩個姊弟仔攏加翁 *先幾那歲。所以應該是在人兮，未當一概而論。

2. 是「屎撥、有當時仔難免會較離經 *淡薄啊」才著，呵呵，今仔日汝是來咧改作文hio3？(2012年8月23日下午8:57)

■ 第十一則

阿清箸2012年8月23日下午2:05留言：

年初寫的那篇，楊境韜給的材料你發揮的極好，可以發文。「新竹人的工課」你多少也幫襯，再怎麼說，我們跟他總是有點淵源。

-ir韻的語料 用疊韻詞很對，疊字則可免，「進」字都「出韻」了，美中不足。
-er韻何不仿照-ir韻舉例？

清華先：

1. 若想欲PO的時，我會先mail與汝檢查 *一遍，暫時無這個按算。

2. 有理。

-ir：師資、如此、自私

-er：吹螺、粿袋、綴尾(2012年8月23日下午6:54)

■ 第十則

阿清箸2012年8月23日下午2:10留言：

「切」記音應改為「tshiat4」，四絃一聲如裂帛，「裂帛」乍聽亦似為「liak8 piak8」。

給料理人網友的發文，可用《將進酒》。你的「書歌」別有風味，用自然調標音更佳。剛已快遞一片王心心演唱的CD讓你參考，聽完記得還我。

清華先：

1. 有影都 *著，若有欲update的時，我會補正。

2. 另閒我才試bai7。(2012年8月23日下午6:37)

■ 第九則

RORO箸2012年8月23日上午9:14留言：

拒絕人的好意
便是對人失禮
又
姑：姑且
不二：唯一
衷：志
或
姑：姑且
不：不得不選
二衷：違背心意
…..謹供參考

RORO：

1. 頂回我敿恁旦那様(ダンナサマ)欲替恁小妹安排上電視比賽，汝毋是拒絕？he1是阮的好意neNh9。我嘛無叫汝會失禮，因為汝講伊ia2傷細漢愛佫訓練，今仔無合適，毋通。我亦是家己四兩箢仔有小除 *咧，共款意思嘛，何失禮之有？

2. 未通。

是按怎會用陽去調的「二」啦，汝毋驚去與講「koo³³ put⁴⁰ li³³ tsiong⁴⁴」佮「koo³³ put⁴⁰ li³³ tsiang⁴⁴」的人揢汝kue5 *落去(「五kun1 kue5」的「kue5」，這是偏泉音；偏漳兮講「五kin1 ke5。這個詞教育部網路辭典寫「五筋枷」，毋著，「枷」無人讀「kue5」。《台日大辭典》寫「五筋鮭」，「鮭」音有對，用字我未曉。這條我pat4問過林老先生，怹講偏廈音嘛是講「goo7 kun1 kue5」)？呵呵。

另外，「衷」會使唸「tsiong1、tsiang1」？汝是現代許慎？偏廈音《廈門音新字典》、《台日大辭典》、泉音《彙音妙悟》、《當代泉州音字彙》，漳音《彙集雅俗通十五音》、《漳州市志(1999)‧方言》，計攏唸「thiong1」。古早的廈門音我手頭無資料，今仔的廈門音除了讀「thiong1」，另外會使讀「tiong5」，啥根據，我毋知。

其他兮我著無愛講傷濟，汝愛寫著寫、愛用著用，我無意見。(2012年8月23日下午6:07)

■ 第八則

Haiker箸2012年8月20日下午1:57留言：

楊先生的大作請你看完，偶讀過，粉學術滴。不口以說人家是「相罵無揀喙，這款氣話看看 *咧著好，汝嘛會使揢當做文宣品來看待」，哪怕你說得有道理。

在《當時》，只有【紀露霞「山地姑娘當青春」，紀露霞小姐「正當時」唱「tsiaN3 tng1 si5」)】沒link視頻，證據不算很充分。沒有啦，速開玩笑，偶想聽聽而已，嘻嘻。

haiker兄：

1. 哈，我口氣無hiah4婉轉，我承認。土人啦，未曉講藝術話，請包涵。

楊 *先其他的作品我有讀過一部分，所以我開始著講「伊過去的論述計攏未徦外䆀(本文第二則)。」不過這類的文章我無愛看，因為咧講啥貨，我大概仔會當了解。我講「氣話、文宣品」是指philip「講的彼部分」，毋是全文，所以叫人「免傷計較」(本文第六則)。阿無欲按怎講？逐個佫來挖(iah4)、佫來戕(tshiang5)？未要緊，做汝講，看我毋著箸toh4，若汝有夠格。

2.「山地姑娘當青春」這te3曲，我網路無看 *著，減采揣了無頂真。阮tau1有，毌(kuaN7)一罐一升瓶的はくつる來，我放汝聽。

■ 第七則

SH箸2012年8月19日上午9:27留言：

毋知敢有tsit个榮幸kā tsit篇文章刊蹛《台文通訊BONG報》？（其實毋但tsit篇，設使先--ê若允--阮，koh來向望會當tiāⁿ-tiāⁿ kā你ê作品佇雜誌頂懸hām讀者分享）

SH箸2012年8月20日下午1:34留言：

等無你ê回覆，無，若有意願抑是問題，才麻煩寫電批予..我。勞力！
(voyu.lau@gmail.com)

SH：

是安呢啦，往過pat4有一寡來亂兮，所以箸2010年6月9日上午7:01我有做一個「以後無公開 Blogger『簡介』的新網友，恁的問題，我無欲回覆。」的聲明(http://hik-u-tw.blogspot.tw/2009/05/r.html?showComment=1276038064317#c2445239573863892155)。有影誠歹勢，失禮失禮。

我這是想kah9 hia9寫kah9 hia9，遣詞用字、組織結構攏無過(ke3)仕上げ，箸blog頂仔罔議量猶會使，正經欲箸雜誌發表，ia2無彼個水準。

阿我自本著散散(suaN3)，發文的內容有錯誤的所在，嘛無愛去改，當然嘛有無發見 *兮。頭拄仔我佫略仔巡 *一下，著看著幾哪個。比論「師仔」應該是「使仔」、「hia1 pai2」應該是「hia1 pai1」、「無啥mah4大不了」應該是「無啥meNh4大不了」。另外，我用字嘛夭壽龜怪。所以，箸網路欲轉載，我攏毋pat4咧限制，但是無適合囥箸雜誌。

多謝汝的好意。(2012年8月20日下午5:53)

■ 第六則

philip yen箸2012年8月18日下午6:26留言：

你可能無讀楊--先生的原文，伊有分析三種拼音符號的優劣。想欲向你請教，老師叫我毋好麻煩--你，因為你認為討論這種物件無意義。不而過你捌講「尊重歸尊重，應該愛講的嘛是愛講」，我干焦欲了解台語羅馬字(就是你講的教羅)及TLPA、通用「真正」的優缺點這个部分，咁會凍？就在http://www.doc88.com/p-641608080951.html的第8至11頁，勞力。

philip：

歹勢，未當(tang3)neNh4。

理由：往過刣徦見骨，但是過了身煞了代，今仔這款現象亦無佫存在。汝講的彼部分，我有讀一兩頁，相罵無揀喙，這款氣話看看 *咧著好，汝嘛會使揢當做文宣品來看待，免傷計較。佫再講，汝愛我表示意見的這個議題嘛退時阿，無必要佫箸hia5捙盤反(tshia1 puaN5 ping2)。

無的確汝會講我矛盾，進前毋是寫hah4濟a7？讓(niuN7)我解說 *一下：進前是網友講摕王華南先生的講法敿「著名學者」的話，講用數字標調「未精確」、「音標無sing5音標，文字無sing5文字」。我不過是是為家己怙數字標調，做一屑仔辯解而已。

當然，準後日仔若有人欲重新翻案，佫咧相爭，kau3彼時來討論各人的優缺點，才有意義。希望無彼一工，阿若萬不一，逐個千萬著品與好，毋通起屁臉；雖然看khiai9有較oh4，罔期待，呵呵。(2012年8月19日上午9:46)

■ 第五則

dongxie箸2012年8月16日上午2:16留言：

第二則，「TLPA毋是無欠點，但毋是汝頂頭所引述的彼三項。」TLPA欠點之有無，非吾能力所能置喙，但對汝與楊允言氏之看法有異，則感好奇，能否解說一番？

dongxie；

當(tang1)時變徦hiah4顧謙？哈。

請去我「對台語音標的看法等」小眼 *一下，看楊 *先生所持TLPA的第一項欠點會當(tang3)成立 *未。

當然啦，若我論述的內容無道理，安呢我嘛會使認同伊「因為世界正式ê音標系統真罕得用數字標調；台灣語文學會發起人之一張裕宏對這點ê評論是『音標無sêng音標，文字無sêng文字』」是TLPA的欠點。換一句話講，汝若無指出我這篇文章講了無合適的所在，我著會認為楊 *先的這個講法有問題。

我佫補充 *一點仔，頭拄仔講的彼篇發文，是對新鮮料理人箸2012年6月29日上午9:17留言的回覆，當時料理人安呢講：

雖然你引用資料或者有特殊目的的時，會採用調符，但是你標音的調號攏用數字，王華南先生講台語有十幾个調，用數字無法度精準表示。亦有著名學者講這「音標無sêng音標，文字無sêng文字」。

無注明出處，亦無講這是楊 *先引述張教授的的看法，連「世界正式ê音標系統真罕得用數字標調」這句話嘛落鈎 *去。若無，當時我一定會反問料理人，「真罕得用」著無sing5？taN1嘛咧心適，拜託 *咧，我「真罕得用」教羅音標，教羅音標著無sing5音標？我毋pat4用過一箍的銀角仔，一箍銀角仔有影「毋tsiaN5錢」，「毋tsiaN5錢」嘛是錢。阿正式的國際貿易或金融市場，「真罕得用」新台票結數(kiet4 siau3)，阿新台票著毋是錢？著無sing5錢？

怙數字做調號無sing5音標亦無sing5文字，阿若攏省khiai9、maiN3標 *咧？我PO一篇短文做例：

Cheng-hap chhut-lai e Tai-lo kan-tan kong si:

1. TLPA tap-eng beh su-iong POJ e tiau-ho.

2. POJ tong-i beh kai “kai-im”, oa, oe > ua, ue; ek > ik, eng > ing (put-ko eng kap ek iau u po-liu cho hong-gian-im e piau-ki)

3. Siong-hong long tong-i that-chhat-im su-iong IPA e ts, tsh, iah-chiu-si POJ, ch, chh TLPA e c, ch long kai-cho ts, tsh.

I-siong po-ko.

peng-an,
khinhoann(鷺水薌南「POJ佮TLPA khioh和！」，網址：http://www.hokkienese.com/?s=%E6%9D%8E%E5%8B%A4%E5%B2%B8)

這是字抑是音標？我講徦有喙無瀾(nuaN7)，語、文是約定俗成，人聽有、看別、欲接受上要緊。與人用蒦 *兮，一般人敢會接受？sing5佮無sing5哪會是反對別種書寫方式的理由啦。無毋著，頂頭的短文一定有人看有，但tsuai1攏計是特定的人士。maiN3講像咱這款會曉教羅的普通人讀無路來，著算POJ達人(タツジン)的林建輝，乾若兩字「kong si」，著咸網友討論規晡。

用教羅的人，怹寫無調符的作品，密密是neNh9，這表示啥？淺淺理，汝想嘛知。

若「無用連字符號，將詞ê概念提掉，ùi語言學習ê角度看，這是真不利ê」，佮「選擇kah台語羅馬字衝突，致使台語文獻傳承發生問題。」這兩點楊 *先寫了無通的所在，我著保留maiN3佫講啊。箸tsia5討論這，無眠兼踅神，無khah4 tshang5。(2012年8月16日下午6:11)

■ 第四則

新鮮料理人箸2012年8月14日下午2:28留言：

關於台語音標ian、ien音位的問題，我愈看愈花，先生講的有道理，但是我的疑問並無解決。靜靜仔想，最後想通矣，原來我的結是台灣用[ian]的人袂念[ien]，用[ien]的人無念[ian]，因此[ian]及[ien]對咱來講，並非對立--兮，所以[ian]、[ien]選用一个就好。歹勢，同一个問題一直「盧」，請教，我的想法毋著嗎？謝謝

料理人：

？？？頭殼毋免攏貯冊，留寡想東想西的空間啦，無會變書呆。講笑講笑，maiN2受氣。

tsiah4簡單的代誌，汝哪會想未tshun1 tsia1？

毋著啦。照汝的想法，「好學」講「ho2 oh8」的人，嘛未講「hor2 oh8」，安呢「o、or」台羅哪無二選一？佫 *幾日仔，我才想看有啥較適當的實例，發一篇與汝。(2012年8月14日下午6:32)

■ 第三則

mysky箸2012年8月11日下午11:52留言：

"歌韻"發-a，是根據"高本漢之詩經韵讀及其擬音"得來的；不過，共-ah視為歌韻，可能有所失誤。

mysky：

我無看過「高本漢之詩經韵讀」這本冊，不過我感覺ROROサン講了嘛有道理，因為古早冊用足濟借字。其實南管戲曲的用字並無hiah4呢仔嚴謹，用這去解說抑考求字音、字義毋是介簡單。

ROROサン咧講 *兮，是目前南管ia2有「可」讀「khah4」做比較義，這是怹一位長輩報阮知兮。另外，伊問：「《漢語語音史》歌部王力擬音是a嗎」？應該是針對汝紹介彼篇文章，認為施教授的根據有疑問。(2012年8月12日上午10:05)

■ 第二則

新鮮料理人箸2012年8月8日下午2:13留言：

有一件事我想欲講，你講：學會音標小組的會員計是「大粒 *兮」，比如曹逢甫、張裕宏、姚榮松、羅肇錦、臧汀生、董忠司、黃宣範、龔煌城……教授等。

但是，根據楊允言教授的文章，數字標調受議論，因為世界正式ê音標系統真罕得用數字標調；台灣語文學會發起人之一張裕宏對這點ê評論是「音標無sêng音標，文字無sêng文字」。

伊(楊)又講：無用連字符號，將詞ê概念提掉，ùi語言學習ê角度看，這是真不利ê；選擇kah台語羅馬字衝突，致使台語文獻傳承發生問題。

以上三項攏是TLPA的欠點。

料理人：

1. 原來是安呢oo3！siang2評論兮攏未要緊，重要的是汝認為siang2講了較合(hah8)汝聽。

2. 楊 *先怹攏是我尊重資深的母語工作先輩(センパイ)，汝無看兮我這個blog的介面著是模仿「Tâigú Bāng」兮？伊過去的論述計攏未徦外䆀(bai2)，當然，有一寡敿我的想法無sang5或者我認為無妥當的所在，這真正常亦真自然，因為這是各人攏會使有意見的時代。比論，我知影TLPA毋是無欠點，但毋是汝頂頭所引述的彼三項。(2012年8月8日下午6:36)

■ 第一則

RORO箸2012年8月8日上午9:12留言：

☆版主：

就算現在南管的「可」

也能用於比較義

念khah

這是訓用字

又

《漢語語音史》歌部王力擬音是a嗎

這是魚部的擬音耶

試問

假裝不知道

將錯就錯

不是鄉愿是神馬

RORO：

1. 是ti9，禮拜暗頭仔老先生著有電話與我。汝應該嘛是隈hia5聽兮hooNh4？

2. 喂，罵著佫真sua3氣(khui3)，敢未喙ta1？毋驚我投恁アナタ？呵呵。

我是想講準mysky若有佫留言，教我「可，唸作khah」按怎「是講會過的」，才來研究嘛ia2未慢。想欲先聽人的見解才做判斷，安呢號做「德之賊」？(2012年8月8日下午6:08)