留言回覆Jan. 2013

■ 第十一則

philip yen箸2013年1月27日下午6:12留言：

Yifertw認為會凍放棄「台語」這个名詞，前提是等台灣改掉「國語」這个用詞。小弟認為伊非常的毋著。用「台語」若錯誤，本來就是愛改；用「台語」若無錯誤，人用「國語」毋用「國語」與咱何干？

日語漢字音讀吳音，可能佮即馬的吳語有一寡相siâng，我想這無啥物爭議，「維基百科」講：「如：日母在吳音與吳語白讀中皆為鼻音聲母n；吳音中匣母的脫落現象與吳語類似，如「和」吳音ワ 吳語wu(或前加/ɦ/)；山刪韻吳音多讀エン韻，吳語多讀e韻，有共同的主要母音。」

小弟認為雖然這是事實，但其他的語言多有類似的對應關係，袂用得算吳語的特徵，或是算「那才是真像日語」。

先生可否舉一點點仔現代吳語(上海話)佮日語袂對應的例，焉爾可能逐个就卡了解。在目前網路台語的部落格，這部分由你來做解說，應該上適合，其他的人可能較無這種素養。

Philip：

1. Yifertw按怎講，別人是無法度講 *啥，阿建議汝嘛免去問伊，畢竟彼款「清淨之地」，無適合爭辯，今仔我有影安呢想，善哉善哉。

2. 汝講了有理，「維基」頂仔所提的這幾個對應並無啥特別；因為真濟漢語方言參日語加減攏有類似的現象，像廈門話「虞」韻文讀唸「-u」的字，吳音亦共款。  若是欲講上海話敿吳音較無sang5兮，比如上海話分未出「-p、-t、-k」這寡輔音韻尾，吳音分徦真清楚。  在我的了解，「維基」頂頭這幾個例計有問題，恐驚兮攏真oh4成立。  這部分等我閒才另文回覆。

3. 千萬毋通講「其他的人可能較無這種素養」這款話，ia2佫我著「應該上適合」？哭枵，汝刣人免揭銃？  baiN3講別人，乾若對恁老師，我著歹交代(tai3)。  以後談論代誌baiN3安呢五四三，拜託(這字愛變調)拜託，好心 *咧。(2013年1月27日下午8:38)

■ 第十則

吳哲毅箸2013年1月27日下午3:47留言：

半桶師你好，我最近在網路上，看一屑啊台語正字兮文章，我是一兮巧直覺兮台語讀者，字意毋合我兮看勿會落去。你使用兮邏輯，我真同感，是毋是兮使直接使用EMAIL交流。你若同意，請回信答覆。jay_wu_99@yahoo.com

吳 *先：

汝好。

用mail對我來講毋是介利便，我的信箱三月日開無一擺。  有啥款的意見佮議題，只要參台語或者我的PO文相關兮，歡迎來這個blog討論，歹勢leNh9。(2013年1月27日下午8:23)

■ 第九則

dongxie箸2013年1月24日下午10:00留言：

吾人亦想知你如何三兩句話即可打發這個「傷譾」又「外行」的問題，好儲備點知識，應付不時之需，呵呵，肯定不是來「茹」的。又，請上 http://yifertw.blogspot.tw/2011/06/blog-post_02.html看一下，這個留言主要是在說台灣話到底是不 是閩南語，請教，設若有人如此發問，吾人如何答復為妥？

dongxie：

1. 放心，無人會去問汝這種「傷譾」佫「外行」的問題啦。  上要緊的是，凡事未曉著未曉，哪著佮人爭論啦。

2. 我誠無愛人報一個仔網頁叫我去讀，阿著問問題的留言。  愛知影，汝叫我看留言回覆問題，我著佫了解頭前的人是咧講啥，未使孤看留言的部分leNh9，誠費氣；準若咸我blog的PO文有關的議題，ia2有一說，這囉……  老實講，我較歡迎恁針對我這個blog內面寫的物件做討論。

若彼個留言，照我看khiai9根本著文不對題，Yifertw的PO文是《台語為何不稱作「閩南語」》，著毋是咧「討論台灣話到底是不是閩南語」佫。

台語是毋是閩南話，這是定義的問題，「定義」乾若有「好」抑「䆀」，無「著」、「毋著」的問題。  我較要緊 *兮(care)、較堅持兮是「台語」這個名詞，其他兮攏是怹兜的代誌，與我無關。(2013年1月25日上午5:10)

■ 第八則

Haiker箸2013年1月17日下午10:46留言：

台語與佛典的留言上有這麼一說“至於日語和台灣話的關係...推薦你們去聽聽吳語（比如上海話），那才是真像日語”。
迄今尚沒人回應，台日上海這 三種話碰巧都會說的你，最有資格評斷。想知道如果這個留言是在你這裡，你會怎麼回說。

Haiker兄：

1. 汝記了毋著，我細漢接觸的毋是上海人。 台語應該無啥問題，不過，其他的語、文，我根本著ia2無深入徦會使做「評斷」的程度，包括咱的國語。

2. 無人回應，敢會是想講這囉話的水準傷淺，人未gien3 tshap4 i9？我毋知。

3. 這種代誌未發生箸我tsia5，因為我無這款觀念；當然，嘛未講to2一種語言比to2一種語言較sing5日語這款有爭議的話。

4. 今仔我未參人會(he7)這款議題，因為會(e7)唱(tshiang3)這款話的人，傷譾(tsiN2)啦、外行，我無彼囉美國時間。 不而過，若正經有人欲來我tsia5茹未直，極加兩句仔話著揢(ka7)彈倒轉 *去；阿嘛毋是我較特別，若這方面，清華先的高業，逐個計比我較專、較勥。

5. 汝誠無聊hooNh9，hah4閒，kan2毋緊來揢進前的圖改改 *咧？(2013年1月18日上午7:48)

■ 第七則

mysky箸2013年1月15日下午10:08留言：

"…會將伊的「原則、論點」列一個表；先看伊的「原則、論點」有啥款的限制、愛啥款的條件才會當(tang3)適用。 了後，才看伊適用的部分敿一般的認知差別的所在，比較這兩種方法，分析怹的優點佮欠點，看to2一個較科學、較合理。"

原底我有想欲做這款工課，所以才敲電話欲買吳老先生的"辭典"，準備詳細研究一下。結果，伊竟然親身回電話，講:「誠歡迎汝來台中，我會當送汝一寡冊」。後來一直無都合，毋爾無緣見著吳老先生，連冊阿煞攏無買著。

無第一手的資料，加上聽著吳先生和善的聲音，我進前欲出鞘的刀仔，煞收起來!

mysky：

按汝提起「三段論、弗實」徦這陣，一目𥍉仔著欲兩年阿，誠緊。  個人是安呢想兮啦，準我若別(pat4)，不管有合理抑無合理的所在，若有機會我計未tiN3扂扂；我較番，無啥咧照子午(tsiau3 tsir2 gooN2)，呵呵。

講著「台中」我才想 *著，Ken Yifertw箸2013年1月10日下午1:31講的「khioh-kak」，拍算是台中腔的款。  hia5入聲的本調有人無分陰陽，所以「kak8」搦做是「kak4」嘛無的確。(2013年1月16日下午5:16)

■ 第六則

新鮮料理人箸 2013年1月11日上午9:43留言：

寓教於樂是電視正面的功能之一，新聞挖挖哇類似有關生活健康、社會倫理、地理歷史、人本民權等這種節目誠捷，值得肯定。有一點點小毛病，就是來賓的程度參差不齊，如果加請學者或專業的人，可能會閣卡好，因為(亻因)講得比較有根據。
請教一個問題，林正華先生的論文有幾個「嬰兒用語」，有幾個真熟悉，亦有像gu7、tinn3 chhann7等少數從未聽過，是否南部的用語？還有，用字真奇怪，敢是本字？吳坤明先生認為「堅守字義」的原則最為重要，這一點佮你是相反--的。據吳氏的研究，「堅持字義，語音為輔」的原則 ，便不難找尋到台語的正字。依你的經驗，咱有啥物方法來了解伊的語音系統？
勞力。

(「留言回覆---關於吳坤明的語例等」另文回覆，網頁：http://hik-u-tw.blogspot.tw/2013/01/blog-post_11.html，2010年01月01日下午8:36)

■ 第五則

Ken Yifertw箸2013年1月10日下午1:31留言：

那一集錄影，苦苓說「拾角」是「彎下來撿拾銀角(銅板)」。雖然苦苓宣稱他說的可能是「錯誤的」，但是講台語「字源、詞源」的時段，本來就不該說一些「自由聯想、缺乏書證」的歪解。
「khioh-kak」或說成「khioh-hng3-kak」原意是「撿起來(挑出來)丟掉」，絕對不是「彎下來撿拾銀角(銅板)」。
只是不知道，此一詞的漢字源頭怎麼寫而已。

Ken Yifertw：

呵呵，苦苓仔的台語有夠利，但是若講著語源、字源，可能著無hiah4講究。

「khioh-kak」是毋是「khioh-hng3-kak」，我未曉。

khioh4，一般寫做「拾、卻、抾」，楊秀芳教授講本字是「摭」，伊這篇考證，有幾哪千字，或者上萬，我無詳細算。

hng3 kak4，阮講「hng3 sak4」，hng3，應該寫做「放」。

阮無用「khioh4 kak4」，計講「khioh4 kak8」。(2013年1月10日下午8:39)

■ 第四則

他K箸2013年1月8日下午2:36留言：

準後來「楥」有引申做「放大、擴大」義，安呢，洪教授講的著會通。若無，咱著 kan1 naN7 (只有) 會使當做伊是借字。

教育部 台灣閩南語常用詞辭典
鞋楦　ê-hùn(鞋模)。
撐大、擴大。例：用鞋楦楦鞋。Īng ê-hùn hùn ê. (用鞋模把鞋撐大。)　
膿瘡等化膿、腫脹。例：粒仔咧楦膿。Lia̍p-á teh hùn lâng. (膿瘡在化膿。)　
向外擴張， 例如邊界。例：隔壁的地界一直楦過來。Keh-piah ê tē-kài it-ti̍t hùn--kuè-lâi. (隔壁的地界一直擴張過來。)；這條路拄咧楦闊。Tsit tiâu lōo tú teh hùn-khuah. (這條路正在拓寬中。)

這 敢是借字？您的見解恐怕有爭議。

他K：

照阮先兮的講法，除了「鞋楥 / 楦」以外，其他計是借音字。  伊生前pat4講 *過，這字真簡單，著是「奮」：

《說文》：「奮，翬也。从奞在田上。 《詩》曰：『不能奮飛』」。

段玉裁《說文解字注‧四篇上》：

「翬也」，疊韵，羽部曰：「翬，大飛也」，雉雞羊絕有力皆曰奮。  「从奞在田上」，田猶野也……「《詩》曰。不能奮飛」……。毛云「奮翼」，卽許云張毛羽自奮奞也。

桂馥《說文解字義證‧第九》：「鳥之奮迅，即毛起而身大，故字從奞在田上。」

《廣韻‧去聲二十三問》：「奮，揚也。」

撐大、擴大、擴張，攏是「張大」；「奮膿」是「膿」揚起，嘛有「張大」的意思。　「鞋楥、帽楥」是摕來定型兮，毋是欲揢(ka7)鞋仔揯(king1)與大雙、帽仔揯較大頂，辭典的用字有問題。(2013年1月8日下午8:38)

■ 第三則

dongxie箸2013年1月8日下午12:24留言：

一下土棋，一下十胡，又是麻將，又是天九，莫非在提倡跋kiáu。 吾雖不通曉，但八顆紅點怎叫「紅四」，不是紅八，是否弄錯？

dongxie：

1. 毋是咧發揚國粹啦，是看有的blog按網路去copy寡有關的文章，曷(ah8)知是港澳抑to2位的賞法，捎咧著拂；我著加寫 *淡薄仔，做一點仔平衡。

2. 四粒紅兮叫「紅四」無錯，基本上天九牌是兩粒骰仔的組合。  所以十粒烏兮叫「板五」、六粒烏兮叫「板三」、四粒烏兮叫「板二」。

3. 多謝汝的留言，我才發見附圖一倒朋的「至尊」有毋著，正確的是三仔(丁)配六仔，六仔是「烏二紅四」。  因為我未曉畫圖，這是拜託Haiker兄代工兮，我佫無去チェック；等歇睏日才佫請伊來阮兜重畫 *過，我才做更正，歹勢leNh9。(2013年1月8日下午5:17)

■ 第二則

philip yen箸2013年1月1日下午6:21留言：

網志dongxie講了有理，你也算教羅音標的批評者，因為，先--兮的部落格確實捌多次提起oa/oe、ua/ue以及ing、eng的問題。我嘛認為伊引述的說法並非無道理，希望你會凍針對dongxie的問題講寡意見，這是一種責任，千萬毋通像頂面第六則，閣講「這個議題嘛退時阿，無必要佫箸hia5捙盤反」。
年頭就麻煩你，歹勢歹勢，祝你新年快樂。

philip：

昨方顧寫文回應dongxie，無注意汝的留言，失禮。  事實上這款議題有影是過時曆日，不而過著像若(laN2)恁講 *兮，既然我亦算是「批評者」，毋管批評了著抑毋著，這款情形之下，是橫是直，總嘛是愛有一個交代。  我已經揢(ka7)我的看法PO箸http://hik-u-tw.blogspot.tw/2013/01/blog-post.html，這部分若有問題、抑是感覺無定當(ting7 tong3)的所在，做汝來「麻煩」，我會就我所知的範圍盡量解說，雖然我別(pat4)了無真徹，阿討論這種代誌嘛毋是介有營養。(2013年1月2日下午8:17)

■ 第一則

dongxie箸2013年1月1日下午4:05留言：

大大，新年快樂。
以下是教羅支持者駁斥批評者(比如大大你)的說法，亦不無道理，不知你的看法如何？
台語羅馬字被認為介音之設計不妥當，例如「oa/oe」的「o」以及「eng」的「e」。
其實是台語介音的實際音值分別於[o]和[u]之間、還有[e]和[i]之間，所以從符號設計的角度來看，都算合理。之被認為不合理，主要可能是受到華語注音符號介音用[u]、[i]的關係。

還有，因為台語介音[w]容易受到後面的音節之影響：
如果[w]後面接的不是高元音，比方[a]或[e]，就會讓原本是高元音的[w]向低的方向移位。這樣一移位，便使[w]的音值接近[o]或者[ə]；因為[w]聽起來較像[o]或者[ə]，所以傳教士就把它寫成「goá」、「koe」。比方說「菜頭粿」，經過變調的實際發音是「chhái-thāu-koé」。

(「一個教羅批評者的看法」另文回覆，網頁：http://hik-u-tw.blogspot.tw/2013/01/blog-post.html，2010年01月01日下午8:36)

嗚嗚睏 (之一)

     昨方箸網路看著一條新聞，講新婦介紹大姊與怹ta1 kuaN1做後siu3(著是「續絃(siok8 hien5)」)，報導講：

這樁婚姻已在中國完成結婚登記，這家子究竟該如何論輩？光是稱呼就一個頭兩個大！

這…簡直是一場災難！

這講了有較嚴重，其實早時台灣嘛有人「姑換嫂」、「爸囝對母女」，欲怎稱呼攏未要緊，叫慣忕著好；毋是災難、亦無啥通奇怪 *兮啦。  最近佫再看著林政華先生參建輝先的大作，攏有提起「ooN1 ooN1睏」，與我想起著魏晉時期，有一位賈充先生，伊兩個查某囝，一個嫁司馬炎的小弟司馬攸、一個嫁司馬炎的後生司馬衷；司馬衷著是晉惠帝，所以賈充變國丈(kok4 tiong7)。

    《世說新語‧惑溺》：「(賈)充自外還，乳母抱兒在中庭，兒見充喜踊，充就乳母手中嗚之」，陳冠學先生箸《一本白話書》內面講：

句中用了一個白話字：「嗚」，台語oⁿ，有「嗚嗚睏」之語。(《臺語之古老與古典》第一，民73：269。  案，作者所標之「oⁿ」，寬式IPA為﹝ɔ̃﹞、教育部用「onn」、教羅「o^‧n」，本文做「ooN」)

著，古漢語「嗚」的音、義計有合(hah8)台語的對應規律。

     嗚，《廣韻》：哀都切；影模平合一遇攝。 「影」母咱發無聲母是常例，像「烏、鴉、冤、枉」。 「模」韻合一等的字咱會使唸「ooN」，像「模(模範)、惡(可惡)、梧(梧桐)、吳(東吳)」。

     台語「oN1」的本義毋是「睏」，做「睏」解說，是後 *來衍伸的五仁話。  《台日大辭典》「oN1」的注解是「唸欲與幼嬰仔緊睏的聲音」，「睏」著歸類做「戲言」，這嘛正確；因為箸其他的辭典嘛無將「oN1」講是「睏」：

1. 搖與嬰仔睏的聲，甘為霖《廈門音新字典》：「o^‧n-iⁿ, tsiū-sī iô eⁿ-á hō^‧-i khùn ê siaⁿ. (嗚嬰，就是搖嬰仔與伊睏的聲)」(台灣教會公報社，2006：512)

2. 諞(pien2)囡仔與睏，台灣教育部網路辭典寫做「唔」：「哄小孩入睡。  例：共囡仔唔予伊睏。  Kā gín-á onn hōo i khùn. (把小孩哄入睡。)」

3. 諞嬰仔與睏，周長楫《閩南方言大詞典》：「唔，ɔ̃¹ 哄嬰兒睡覺；唔細囝哄嬰兒使睡│唔唔睏哄嬰兒睡的口頭語。║“唔”，近音字。(tsia5的﹝ɔ̃¹﹞著是「ooN1」)

     是「聲音」抑「諞囡仔與睏」，攏著、攏會通，因為這計是「慈愛、痛惜(thiaN3 sioh4)」的行為。  個人嘛認為tsia5的「ooN1」愛寫做「嗚」，這個「嗚」的意思，雖然箸文獻頂頭有幾那種無sang5的解釋，但專(著是「全部」的意思)計是咧指「慈愛、痛惜」。

    我根據楊勇先生的《世說新語校箋》做一點仔補充，《世說新語》賈充怹某這段故事，《晉書‧賈充傳》亦有記載，而且佫有「續集」(賈充妻有害死兩個奶母的前科，攏是因為看著賈充對奶母抱的囡子有親密的行為，飵醋引起殺機。  賈國丈拍徦死嘛欲飵雞腿，呵呵)，但是內底的「嗚之」，根據無kang5的版本，著有無sang5的用詞。  比論，「欽定四庫全書薈要」《晉書‧卷四十》做「就而拊之」；王隱的《晉書》講「(嗚)一作『戲』」。  吳士鑑、劉承幹注的《晉書斠注》寫了介清楚，資料上濟：

黎民(賈充的後生)見充入，喜笑，充就而拊之……(斠注：)《世說‧惑溺篇》作「兒見充喜踊，充就乳母手中嗚之」；《類聚》三十五引王隱《晉書》作「就乳母手中戲之」；《御覽》三百七十一引《異苑》作「充外入，就乳母抱中嗚撮」。

另外箸「續集」，「四庫全書」版的《晉書》講黎民戀念乳母，發病而死，了後，賈充佫生一個囝，「復為乳母所抱，充以手麾其頭，郭(賈充的某)疑乳母，又殺之」。  王隱《晉書》講這個囡仔「乳母抱在中庭，充過，拈兒頰；郭又疑之，復鞭殺乳母。  兒又死，充遂無嗣。」

嗚，「相tsim1」的意思。  楊勇先生講：「嗚，亦作歍。 《說文》：『歍，口相就也。』 段注：『口與口相就也。』 今人謂之吻也。」 《漢語大詞典》嘛共款：「親吻。 《世說新語‧惑溺》：“充自外還……充就乳母手中嗚之。”  金，董解元《西廂記諸宮調》卷五：“貪歡處嗚損臉窩。”  明，湯顯祖《牡丹亭‧尋夢》：“他興心兒緊嚥嚥，嗚著咱香肩。”」 

拊，輕輕仔挲(so1)。  《說文》：「拊，揗也」；《荀子‧富國篇第十》：「垂事養民，拊循之……」，楊倞注：「拊與撫同，慰悅之也」；郝懿行曰：「循與揗同；拊循者，謂撫摩矜憐之也」。 《漢書‧外戚傳》：「子夫上車，主拊其背曰：『行矣！強飯勉之。  即貴，願無相忘！』」顏師古注：「拊謂摩循之也」。  韓愈《鄆州谿堂詩并序》：「吹之煦之，摩手拊之」，方世舉注：「拊摩，以手循之也。」

戲，箸tsia5是「賞(sng2)、弄(lang7)」的意思。  《方言‧卷十》：「江沅之間謂戲為媱，或謂之愓(惕，台語會使唸「thit4」)，或謂之嬉」，這是講「賞」。  《幼學瓊林‧卷二》：「戲綵娛親，老萊子之孝」，著是「弄」。

嗚撮，著是tsim1頷椎(am7 tsui1，頷䫀後壁的部位，著是頸椎，「頸椎」唸做「king2 tsui1」)。 《莊子‧人間世》：「會撮指天」，《經典釋文》：「崔云：『會撮，項椎也』；司馬云：『會撮，髻也』。  古者髻在項中，脊曲頭低，故髻指天也。」 這字讀做「tsue3」，《集韻‧去聲夳第十四》：「撮，祖外切，會撮，頭椎也。」 所以咱嘛會使知影「嗚」毋的確是「喙拄喙」，楊勇先生嘛引用劉盼遂《世說新語校箋》講：「嗚之，聲轉則為燠休。 《左傳》昭公三年：『嗚，若今小兒痛，父母以口就之，曰燠休。』」  tsia5「就之」的部位敢定著是「喙」？

麾其頭，應該照楊 *氏的版本是「摩其頭」才著，意思是「輕輕仔挲頭殼」。 《陳書‧徐陵傳》：「家人攜以候之，寶誌手摩其頂」，tsia5「摩」做「撫摸」解釋；另外，佮頂頭的「拊」共款，「拊摩，以手循之也。」 

拈頰，著較簡單，「輕輕仔liam3喙䩉(tshui3 pue2)」的意思。

按tsia5咱會當了解「吻、撫摩矜憐、嬉、弄、tsim1頷椎、挲頭殼、liam3喙䩉」這寡動作，攏是表示大人對囡仔「痛命命、惜命命」，咸「睏」無關係。

     箸冠學先進前，連雅堂這字著用「嗚」阿，伊的《雅言》頂仔有記一條「育兒歌」：

搖也搖，阿囝be7困著來搖；嗚也嗚，阿囝be7困著來嗚。  嗚嗚困，一冥大一寸；嗚嗚惜，一冥大一尺。 (「be7」原文用[忄麥]，這字我毋別，準若是無根據的代用字，著無理想；因為這音有人講「be7」、嘛有人講「bue7」。 「麥」有人講「be7、bee7」，但是大多數的人白話音計講「beh8」、讀書音是「bik8」；比論「麥門冬」古早迪化街tsia5攏唸「bik8 bun5 tong1」，今仔講「beh8 bng5 tang1」共款會通)

     林政華先生箸《許成章、吳坤明探尋台語正字工程比較研究》「吳氏台語正字研究發現示例」內面，有一個嬰兒用語「愔愔inn inn(或onn onn)：安靜睡覺」。  「愔」是「安詳和樂、深靜、扂扂無聲」、無「睏」的意思。  愔，《廣韻》「挹淫切」，古漢語「影」紐「侵」韻，照一般的對應規律，這字台語唸「im1」;「侵」韻、甚至整個「深」攝的轄字，箸台語若(laN2)像無讀「iN、ooN」的字例。