熕

     從細漢，阮兜咧拜公媽敬神佛，攏愛走去石橋仔頭hia5買香燭；毋知當時(tang1 si5)開始，煞改用新竹柯芳美的香。  進前歇幾那工，過年亦欲kau3 a9，處 *兮老大人講寒徦欲死，無愛出門，差我落去行 *一tua9，趁這個機會，我著tiam3 hia5罔巡(un5)罔趖(so5)。

    箸hia5，頭一暗著請H怹老爸教我賞(sng2)天九(thien1 kiu2)牌仔。  伊講天九敿十胡、麻雀共款，各所在的肄(i7 / si7)法通則計相同，細則著在人呼(hoo1)、在人品 *兮，所以加減有爭差，「用語(著是「專有名詞」)」嘛無講完全一致，總講一句，大同小異啦。  照伊的了解，怹hia5佮別位較無共款 *兮，嘛有幾那項，比論「紅四」(八粒紅點)一般講「人(lin5)」較濟，怹講「銀(gun5)」；平平「天kong3」，未使算「走(tsau2，平手、無輸贏)」，愛佫比，「天銀kong5」(參閱頂頭的附圖1，右)較大，其他兩款算「走」(「天」十二點，配「紅四」的「銀」、或者配「三五、二六」的「八仔」攏是「天kong3」，所以「天kong3」有三款。  但是一局內面，上濟有兩個「天kong3」的機會，因為一副牌乾若有兩支「天」)；本來「一點」乾若贏「墨賊(bak8 tsat8)」，毋佫後注(tu3)若揭(giah8)「天銀kong3」的時，合khiai9號做「騰雲一點鐘(講是「天銀一點金」的諧音。  怹麻雀像「一三五、四六八」這款凊采來一支中空著會使鬥崁的搭，號做「三點金」)」，安呢著比後注，後注較大，前注「一點」嘛算贏……。  伊佫講一個笑話，差不多六十年前，怹計咸處邊的囡仔賞天九，伊是囡仔頭；有時仔會就近去城隍廟口佮別位的人肄，極加徦外媽祖，著算「遠征」阿。  有一擺歇寒，去鄭處揣怹同窗兮挽娘仔葉煞(伊講怹無sang5學區，彼個同學可能有辦「寄留」，「寄留」唸「kia3 liu5」，著是寄戶口)，怹同窗兮tshua7伊去「祖處口(鄭氏家廟的廟埕)」佚陶(thih4 tho5)，看著一陣囡仔用天九咧puah4樅奶(tsing5 lin1，著是樹奶束仔，毋是puah8錢)，伊亦參落去鬥一骹。  有一遍前注對方揭一點，伊贏，後注對方「天銀kong3」，伊輸；若照伊往常咧賞，安呢算拍噗仔(無輸贏)。  毋佫對方講「我騰雲一點鐘」，阿對方是同窗兮怹兄(加怹兩歲，當時小學三年，大漢讀商業，尾仔佫乾若是考著輔仁)，比伊較大欉、佫是箸人的地盤，無才調參人理論，伊teh4的樅奶著攏去與咬(ka7) *去。  不過，隈彼陣仔開始，怹hia5的天九著加這條新的規則，徦今(taN1)。  另外，伊講早時(tsa2 si5，較早以前；tsai2 si5是「早起時」的連音，無同)的「點」是烏色敿紅色，今仔紅兮無變，烏兮有人改用青兮，阿若是牌身用烏兮做底，一般攏用白「點」；台灣天九正規的排法，烏點箸頂懸、紅點箸下骹，所以「天」的「烏點」按倒朋開始、「烏兩紅一」叫做「丁」、「烏三紅一」號做「gia5(鵝)」，今仔都無咧講究啊。

     學煞我問おじさん，「王(著是一支「天」一支「九」，一般講「天九王」)」比「kong3」較大；阿四色牌的「將、帥」共款號做「君、王、kong3、tsiong3」(參閱：「台灣話白的嘛會使講做烏的」)，「kong3」到底是啥貨？

伊講：「kong3，自本是指大砲，古早講大kong3、kong3砲、砲kong3、銅kong3(銅kong3是銅拍的火器，怹「錢」嘛有講「銅kong3」，「銅kong3」著是「銅錢」，或者鄙相按錢一直味 *落去的人，參「錢貫」同義，「錢貫」唸做「tsiN5 kng3」)、鐵kong3、大龍kong3、kong3船。  後 *來若是『粗、大』的物件嘛講做「kong3」，像大支煙筒講『煙筒kong3』、大隻豬號做『豬kong3』，土匪、賊王叫『強kong3』。」

     過去因為毋知影意思，這字「kong3」進前我寫做「摃」，毋著；應該是用「熕」才合適。  這字「熕」是後起字，無問題(因為新的事物所創的新字)，較早的韻書咸《康熙字典》無收，《戚林八音》、《彙音妙悟》、《彙集雅俗通十五音》亦計揣無；箸《廈門音新字典》參《台日大辭典》著有，但毋是台語、閩南語的方言字抑是講「土字」。

網路論壇有人提起戚繼光《紀效新書》的時講：

實際上明朝艦船早就有了火器，以《紀效新書•治水兵篇》記載的戚繼光水師為例，如果把一個水兵營中4艘福船2艘海滄船和4艘蒼山船裝備的主要兵器加在一起，共計有:大發熕1門、佛郎機炮40門、碗口炮30門、鳥銃68支……(網址：http://www.rocidea.com/roc-61.aspx)

但若照「欽定四庫全書」《紀效新書》是用「貢」*字(參閱頂頭的附圖2)。  問題出箸toh4，我無詳細去查，原因是箸四庫全書進前的文獻，著有「熕」*字的記載。

     根據黃一農先生《明清獨特複合金屬砲的興衰》的資料，講《明熹宗實錄》內底著出現「熕」*字：

天啟六年三月曾發送「頭號發熕三位、二號九位……」至山海關；七年二月亦發送「頭號發熕砲三位、二號發熕砲六位、鐵裏安邊神砲六十位、鐵裏虎蹲神砲六十位……」至皮島……(陳玨 主編《超越文本：物質文化研究的新視野》清華大學，2011：82)

黃院士這本冊內，ia2有頂頭鑄「捷勝飛空滅虜安邊發熕神砲」古砲的相片，佫引用鍾方道光二十一年所撰《砲圖集》的內文，嘛有「本朝製發熕砲，鑄鉄為之，前弇後豐……」。

     網路版的江日昇《台灣外紀》(網頁：http://www.guoxue123.com/tw/02/060/index.htm)有附一個「土音字說」，是因為「字典所無，仍照原本刊刻，故晰之」，攏總九字，其中講「熕：音降，砲也」，解說無𧸖(taN5)，音毋著。

    熕，在早的文獻嘛有其他的寫法，比如，用「碽、[金貢]」。  「台灣民間文學歌仔冊資料庫」《鄭國姓開台灣歌》(網址：http://115.43.193.213/bang-cham/thau-iah.php)，施炳華教授怹有一段注解寫去真清楚，愛寫做「熕」；「碽」音、義計無合、「[金貢]」拍算是土字。

另外，施教授有寫著郁永河《鄭氏遺事》：「成功泊舟粵海中，見水底有光上浮，數日不滅，意必異寶，故使善泅者入海試探，見兩銅砲浮，往來以報，命多人持巨絙牽出之，一化龍去，一就縛。既出，斑駁陸離，若古彝鼎，光豔炫目，不似沈埋泥沙中物。較紅衣炮不加大，而受彈藥獨多。先投小鐵丸斗許，乃入大彈；及發，大彈先出，鐵丸隨之，所至一方糜爛。成功出兵，必載與俱，名曰『龍碽』。」  我做一個補充，若這，另有一說，講以早製造大砲，有的砲身頂懸鑄龍紋做裝飾，所以號做「龍熕」(聽講新竹嘛有人講「大lien¹¹熕」，是啥根據，我問無，減采是走音)；網路頂頭有揣著一張圖片(參閱頂頭的附圖3，網頁：http://baike.baidu.com/view/935010.htm)，罔參考。

     日語「熕」音讀「こう」，有符合台語唸「kong」的對應規律；訓讀為「つつ、おおづつ」，「ほうこう(砲熕)」著是「おおづつ(大筒)」，共款是「大砲」的意思。