2011年6月18日 星期六

無 hah4 複雜、無 hah4 單純

RORO - 2011616日下午1:58 留言:

(a)您這是支持蔡英文的表態?

甚麼原因讓你破例

放棄這部落格不涉政治的原則

應該很有趣

要不要談談呢

(b)TEST上兩首“家後”

做甚麼用?

(c) 蔣為文說

台灣作家不用台灣語文、卻用中國語創作,可恥

黃春明說

我們的國語一直在變,像是「白目」、「喬不攏」、「歹勢」都是閩南語進入國語,國語變得越來越在地化,他進一步舉例,「中南美洲作家也用西班牙語寫作,更有五人得到諾貝爾獎,也沒有人說他是西班牙文學,用殖民語言寫作沒辦法啊!」

您贊成哪個人說ㄉ?

RORO

(a) 誤會,誤會。我這個連結是因為箸 ka1 lo2 (9)回覆 philip留言的時,引用蔡英文的講話,想講蔡主席講演的內容不只仔濟所在會使摕來參考,著揢留囥箸 tsia5。著算講安呢,我注神兮,不過是敿我母語有牽連的議題;其他兮,我有影無才調去理解,因為我毋 pat4,阿嘛 pin5 tuaN7 去學、去想。

箸參我的母語有相關的問題,蔡英文有伊一寡看法,這部分有兮我聽了會入耳,阿嘛有無共款思考的所在。若講著母語政策,聽 -起來是無啥通好期待兮。比如箸「蔡英文講演」內底,我新連結「變動中的新世界 - 青年世代與未來」中央大學 part_1的當中,蔡主席講伊進前絕大部分是專業性的生涯,表達的方式是專業性的訓練,參一般群眾的距離誠遠,因為欲溝通有困難。伊講,tshim2 開始,上少,民進黨的群眾聽無伊這個主席咧講啥。伊一直想,欲用啥辦法揢伊頭殼內的物件講與上基層的支持者了解;阿這兩三年來,這寡群眾嘛一直咧想,欲按怎才會當 (tang3) 理解蔡主席的想法。今仔伊嘛有法度用台灣話講演,而且講了亦未 bai2;雖然箸講演的中間,會 tsham3 一寡台灣國語,但基層的人嘛會當接受。所以今仔民進黨普遍有另外一種新的語言,著是變做台語、國語相濫,這嘛是台灣一般、尤其是中下階層,愈來愈濟人用的一種表達方式;亦著是講人佮人鬥陣久了後,in1 會創造一種新的溝通文化。這種共同營造 -出來的文化,咱必須去親近伊 (i7),共享這個新的文化,安呢自然著有法度互相溝通。

蔡主席講的未傷離經,因為伊講的是事實。但徦 taN1 我猶無看著 in1 講欲如何保護台語,抑是對台語欲做啥麼 khang1 khe3。真簡單嘛,台語參國語佗一個是優勢語?這兩種語言的資源有天壤之別。毋知 in1 有去想 -著無,相濫的「新文化」會與台語 naN2 naN2 少,結局是被優勢語吞噬。

有啥麼政策真正會當保護我的母語,對任何一個總統候選人或者政治人我攏無期待,但是這是我唯一關心的問題。所以,目前我無投票與蔡英文的拍算,包括講欲參選的馬英九、黃越綏嘛 sang5 款。我講的是「目前」,表示將來有變數,比如講準若有候選人承諾當選就職兩年內,會當成立一個台語電視台開播,而且主事者毋是交與台灣教育部相關的人,競爭是好代誌;若安呢,我才有投票的意願,著會去投與伊 (i7)。當然,我未數想講這個電視台愛照人口比例去編預算,不而過上無,嘛愛比其他語言的電視台加 -一屑仔。

阿若所有的候選人計有承諾 -咧?有兩個辦法,(1) 啥人先公布,投與siang5(2) (naN2) 去買物件 -咧,平價數 (一票),當然嘛揀好、大碗佫滿墘兮。

所以,我毋是「支持蔡英文的表態」,嘛無「放棄這部落格不涉政治的原則」。引用蔡英文的講演、連結伊的視頻,是因為伊的內容有 khah8 著台語的關係,無汝想兮 hah4 複雜啦。

(b) 是安呢啦,「台語外老?煞的時,我著開始佫寫「台語外嫷?」。彼工,寶姊夫來,拄看 -著,文內有用江蕙 in1 唱的「家後」做例,伊講我 blog 的文章誠濟愛與人跳開 文章的頁面,才看會著 You Tube 的影像,攏未進步,著教我直接搦囥箸文章內底,這個TEST是伊示範 -兮,尾仔佫箸「懷念的城市」PO王昭華「【演唱】一 的視頻。m7 koh8 等我揢「台語外嫷?」寫好欲發表的時,仙變 (piN3) 著未好勢,只好先留 -咧,等伊後 tsua7 來才講。

(c1) 蔣為文「台灣作家不用台灣語文、卻用中國語創作,可恥」這個標語,減采有問題。鄭南榕、陳水扁、呂秀蓮、謝長廷、林義雄、姚嘉文、康寧祥、林濁水 …… 計有寫文出冊,攏毋是用台灣語文,有「可恥」-無?汝諍 in1 毋是「作家」,好啦,隨在汝定義,雖然姚嘉文的《台灣七色記》嘛是誠有名長篇小說。王拓、廖永來、吳念真、李昂、廖輝英、楊青矗、李筱峰 ……,這寡作家的「台灣」無徦一個會較輸過蔣為文,但是佗一個有怙台灣語文、卻無用中國語創作?個人並無認為 in1「可恥」。昨方新聞報講阿扁仔欲寫專欄,咱才揢看,等伊「成為雜誌專欄作家(民視,扁化身專欄作家 一篇稿費2) 的時,敢有人會因為毋是用台文,著講伊「可恥」。

(c2) 若黃春明講國語愈來愈在地化,敢有影?「白目」、「喬不攏」、「歹勢」敢算國語?算講我是古井底的水蛙啦,麻煩知的人才小拍報 -一下,佗一本國語辭典、教科書或者是官方正式的文件書類頂頭有這寡用詞?這參「3Q、紅不讓、LKK、雞雞歪歪、很牛、小三、媽寶 ……」共款,是特定的人佮特定的都合咧用兮;阿古早嘛有新住民講「莫宰羊、甲蹦」,這毋是國語在地化。共款意思,汝敢會使講「這是尺」讀「這數ㄘㄨˊ」著是國語在地化?

(c3) 我知影汝實在是欲了解這擺的衝突,毋著的人是 siang5,著 -毋?m7 koh8 這個代誌我並無啥去咧注意,汝會使先看蔣為文感嘆一個台灣作家良心 ê 這篇。準蔣為文寫的是事實,這個衝突的背景佮是非,著毋汝問的問題 hah4 單純。總是,拄撞 (tng7) 我若有看著黃春明「清楚表達自己看法」的文章,我會佫報 -汝。

(c4) 換講一個較輕鬆兮,頂頭彼篇蔣為文的文章,是按怎有「台文、中文」兩種版本?真簡單阿,逐個嘛知,因為伊欲訴求的對象,真濟人看無伊寫的台文。套蔡英文的講法,我認為台文並毋是咱一般人普遍表達、溝通的方式抑是工具,這是專業抑半專業的人才有法度摕來互動的物件。這種事實的現實,in1 絕對有致覺,若無,in1 未放棄 in1 用全羅的主張。這真巧 (khiau2),阿嘛是好代;m4 kuh8 做了若 (naN2) a2 無啥夠。準若欲一直堅持揢台 () 羅定義做「字」,恐驚兮路會愈行愈狹 (ueh8),使用者較按怎嘛是固定的群組 (tsoo1),對台語的推廣抑保護,作用有限 (hien7),我個人的想法啦。

4 則留言:

Haiker 提到...

好飵、大碗佫滿墘?沒這種好光景吧,一張選票換一個電視台?別傻。還是一句老話,只要活在這裡,就離不開政治。母語工作也一樣,不然那些南社的人吃飽英英美代子?試著懂點政治,多參與,絕對不是壞事。
好像沒有主張全羅的來跟你對槓過,討厭你還是心虛,你覺得呢?

dongxie 提到...

☆版主
邇近網路有人突發奇想: 制定台文正字可以仿照佛滅後的聚集, 把有音尚未確定字的台語字依各方建議列出候選字表, 候選字包括台羅拼音, 交由聚會全體票決. 參與審定的人數不妨多至500人以上.
此500人可包括一般大眾,學界,台語文媒體等. 宜排除教育部會.其結果ㄧ定比目前教育部的建議版本精彩好用.
有人回應云: 這個主意是不錯,問題是:你要去那裏找五百位?
突發奇想者謂: 找到了三個,1.李勤岸 2.林慶勳 3.蔣為文
1,請問對此意見有何看法.
2,如同意,此三人合適否?你有無心目中之人選?
3,此同你「成立一個台語電視台開播,而且主事者毋是交與台灣教育部相關的人」,皆不很認同目前教育部之版本或工作者.如有台語電視台,你希望哪些人主事?

新鮮料理人 提到...

赫--先:
1。我贊成要(ài)有政府出錢ê台語電視台,是台語工作者投票必須優先考慮ê問題,總統、立委ê票攏仝一樣。
2。電視台的主事者,我進前推薦予汝ê王華南先生有夠資格ê人之一,伊正是台語漢文ê先知,袂較輸科班的語、文學者,捌教主播台語,主持電視節目;又閣主張台文用漢字、共當今教育部的用字。
3。陳冠學講“目水”是“目屎”的正字,“水”讀sái,有通嗎?網址是http://vip.web66.com.tw/_file/1838/upload/twsong01.htm。
多謝。

dongxie 提到...

雖然你上回mail回覆我7月4日的問題,說蔣為文否定漢字的功能,甚至以為漢字會阻礙臺灣文學、文化的發展。叫伊喔?拜託黃春明嘛較贏。
但是他跟你「準若有候選人承諾當選就職兩年內,會當成立一個台語電視台開播,而且主事者毋是交與台灣教育部相關的人,競爭是好代誌;若安呢,我才有投票的意願,著會去投與伊」的想法,是一樣的,在張教授To-gí-giân ê Hoe-hn̂g9月23日最近的PO文就有(http://hakkhiam.blogspot.com)。
建議你以後別用mail個別回覆網友的意見,這樣子沒人想給你回應的,因為我們也希望其他的網友知道你的說法。
還有,我介紹很多人看你(台語「龜」哪會讀 ku1),不少人對你的看法有意見,並且想在你發(第二個『可能』─「油炸粿」)時提出來,可是事隔一年多了,你卻沒有履行承諾,好歹也做個交代吧。