講 ka1 lo2 (4)

頂月初與人請飵滿月桌，挑工去參一寡老先兮坐做夥。一來是想欲聽看有原汁的口音、抑是人罕咧咧用的語詞無 (bo9)，準若チャンス好，無定著 ia2 會使加減仔請教一寡問題。不過，上大的原因是想講 in1 咧講話較慢、較細聲，未嗄嗄 (he3) 叫。

阮朋友連續生三個後生 (hau7 siN1)，一位蹛 (tua3) 鶯歌的先兮講主人的大漢兮有「 pun1 tiuN1」，才會一直招小弟。

「pun1 tiuN1」的意思是慷慨、物件甘分人 (lang9)，寫做「分張」。

伊講鶯歌、三峽「飵糜」講「飵 ber5」，「飵飯」嘛會使講「飵 maiN1」，in1 古早是按安溪來 e5。我注意聽伊的腔口，這位七十偒歲的老先兮，比我熟似一位八十歲，世居龍安埤的安溪裔，有加 (ke1) 保留 in1 原底的特殊音 -ere 敿 -irn (台北行天宮著有人咧廣播的時，「誠懇祈求恩主公保庇」講做「sing5 khirn2 ki5 kiu5 irn1 tsu2 kong1 poo2 pi3」)。

「保庇」有人講 po2 pi3，有人講「庇佑」；「庇」是陰去調，「庇佑」應該讀「pi42 佑」，不而過嘛有足濟人讀做上聲，講「pi44 佑」、「pi24 佑」。

拄含伊咧請教的時，箸「周長楫教授語錄簡評025---洗衫枋」我提起彼位基隆 (鶯歌先兮講做「kere1 lang5」) 先兮，插一句講：「這啊著問，去『bang24 loo33』查著有，今仔電腦 hia44 方便。」

假使若無講著「電腦」，我有影毋知基隆先講的「bang24 loo7」著是「網路」。

我講：「愛講 bang11 loo7 毋才著。」實在講，是 sua3 喙應，無歹意的。

基隆先煞叫是我挑意故欲 ka1 釘古 (ting3 koo2)，無啥爽快著講：「『bang24 loo33』哪有毋著，基隆著是安呢講的；像台北講『阿叔』阮講『阿叔仔』，攏嘛會使。」

我一向主張，語、文是約定俗成，隨在人兮啦。毋 koh8 若是毋著硬欲諍徦著，這著較超過囉。

了後我簡單問伊：「網紗油、網魚、網球，基隆敢講 bang24 紗油、bang24 魚、bang24 球？」

有高升調的變調，是偏泉腔上聲連讀變調的專利 (無含偏廈腔)，若陽去聲的連讀變調，毋管是佗 (to2) 一款腔口，計攏變做低平調。基隆先是典型的偏漳口音，毋知當時 (tang1 si5) 煞去濫著這囉不漳不泉的聲調，講的人家己啊未感覺著怪怪，這是我頭一擺拄著兮，加減仔記。