連音變讀嘛愛有規律

■ 連音變讀嘛愛有規律

新鮮料理人 箸2011,09,29,14:12 的留言：

諸位先進：

關於「撒潑」，王華南先生講：

在台語形容女人不正經、行為怪異曰：【sām-pát , ㄥㄚㄇ– ㄅㄚㄊˋ】，正字為「撒潑」，即華語之「撒野潑辣」。「撒潑」原本發【sat- phuát , ㄥㄚㄊ ㄆㄨㄚㄊˋ】，因快速連讀成【sām-pát , ㄥㄚㄇ– ㄅㄚㄊˋ】，通常就用同音之「三八」。「撒潑」見元曲《陳州糶米》：「俺兩個全仗俺父親的虎威，拿粗挾細，揣歪捏怪，幫閒鑽懶，放刁撒潑那一個不知我的名兒。」元曲《酷寒亭》：「則你是箇腌腌臢臢潑婆娘。」

(http://www.taiwanus.net/church/index3/201109020454071254.htm)

料理人：

音變有分真濟款情形，嘛介複雜，尤其是台語。但無論佗一種，都計有in1共通的特性，其中有一項著是音變的規律。所謂的「規律」著是講箸音變的過程內底，按A欲變做B，必須是受著某種條件的限制，無這寡條件，著未形成音變，這寡條件著是音變的規律，所以音變是有規則的。王華南先生講的「快速連讀」一般是講「連音變化」，這亦是屬音變的一種，當然愛合規律才會當成立，毋koh8王 -先講「撒潑」sat4 phuat4 → sam1 pat4，在我的看法並無合音變的規律，這未當成立。

台語韻尾音變會變做m的，愛有兩個條件：(1)咧變音彼字的韻尾是鼻音，n、ng；(2)下字的聲母是唇音，p、ph、b、m。前字的韻尾受後字聲母影響的音變，號做「逆行同化」，比論：

面布 bin7 poo3 → bim7 poo3；音變前「面」的n是鼻音，「布」的p是唇音。

陳皮 tin5 phi5 → tim5 phi5；音變前「陳」的n是鼻音，「皮」的ph是唇音。

蓮霧 lien5 bu7 → liem5 bu7；音變前「蓮」的n是鼻音，「霧」的b是唇音。

經文 Kieng1 bun5 → kiem1 bun5；音變前「經」的ng是鼻音，「文」的b是唇音。

人名 lang5 miaN5 → lam5 miaN5；音變前「人」的ng是鼻音，「名」的m是唇音。

我略仔解說 -一下，n、ng、m發音的部位無kang5，但是發音方式共款；阿m參p、ph、b的發音部位計是箸雙唇；雙唇音的發音動作，開始是頂下唇全部接觸，先揢氣流擋著 -咧，才突然拍開，與氣流衝 -出來所形成的子音。

咱人咧發音的時陣，氣息連出不絕，發音器官的運動共款是急速咧進行；有時仔拄箸需要的程序發音部位無一定轉會過(tng2 e7 ke3)，所以發 -出來的語音，著會因為前、後音的關係，引起變化。咱前字發n、ng韻尾的時，有時仔講了傷緊，發音部位未赴抑是有困難，著繼續講二字，第二字的聲母若拄著雙唇音，頂下唇愛先合khiai9，因為n、ng發音方式參m計是鼻音，喙唇合khiai9的結果著變m。另外，因為m、n、ng是「有聲」音，有人號做「響音」，所以會使做獨立的音節使用，著是「成音節」；像一般咱講「m(毋)、ng(黃)」；武漢、長沙、雙峰的「n(你)」。

「撒」讀sat4準若會當變sam1，阿箸王 -先sang5彼篇講的「媳婦」，毋著共款會使按sik4 pu7變sim1 pu7？ 上少，「媳」比「撒」字加一個介音-i-，無嘛較sing5 -一屑仔，雖然計是入聲的塞尾韻。

「變調」亦是「連音變化」的一種，比論台灣國語：(1)「一」讀第一聲「ㄧ」，像讀數字「一二三」；箸複音詞的後字亦是讀第一聲，如「不一、統一、第一」；前字時，後字準若是第一聲、第二聲、第三聲，就變讀「ㄧˋ」，像「一張、一床、一捆」；如果後字是第四聲，就變讀為「ㄧˊ」，像「一定、一向、一輛」。(2)複音詞頂下(e7)兩字計是第三聲的時，頂字變做讀第二聲，像「九百、小姐、好彩頭」。(3)其他如第三聲有時陣會變第四聲、「七、八、不」-字嘛共款會變調等等。總是，這寡音變攏有一定的條件限制；台語嘛sang5款，有伊一定的變換規則，毋是在人歡喜、在人呼兮。「撒(sat4)」是陰入調，箸台灣無論塞尾的-p、-t、-k、抑是喉塞尾的-h，無論佗一角勢的腔調，前字的變調計無變中平調，阿這句形容詞in1攏講「sam33 pat32」，汝敢別(pat4)聽過人有其他的講法？

最後我舉一個共款是敿「撒」同音的例，汝揢「虱目魚(sat4 bak8 hi5)」講較緊 -咧，看會變sam1 bak8 hi8 -未？極加是變sap4 bak8 hi5，安呢知hooNh9。

以上是我個人一點仔無成熟的意見，汝罔看做議量(gi7 liuN7)著好。

■ 誤會足大兮

新鮮料理人 箸 2011,09,29,14:32 的留言：

１。鄭進一嘛袂bái，先生敢是擔心伊的私德？

２。先生所欣賞的這三十位，我相信半數以上全毋捌台文、抑是對台文有深入的人，像石英、江霞、余天、宋逸民、林龍等。請教先生，你倩啥人摕藥單？

料理人：

1. 我講：「論真欲寫，百外個(e5)毋攏有」，寫未加圇(ka1 lng5)啦，鄭進一我嘛真欣賞。我毋是揣聖人，咸私德無治代，何況私德的標準是啥？

有一位大師，聽講伊個性輕狂，飵徦五十歲，結婚九擺，報紙pat4有伊「文章走天下，好色之甚，非吾母，非吾女，可妻也」之說。有一擺伊揢人騙婚，致使對方一生流離失所，in1先生娘罵講伊是「無恥之尤的衣冠禽獸」，「小有才適足以濟其奸」。但是徦今仔，人嘛無否定伊的學術地位。

2. 我知影我寫了傷hiong5，未少人會誤會，所以昨方著箸「台文正字」不能「自作主張」留言澄清：

歹勢啦，我表達了無清楚，致使與汝有所誤解。

這30位是我講準若有公辦的台語電視台，我認為這寡人若會使參與，應該有一滴仔助益。敿恁講的台文正字的審定聚會，無關係啦。

有影失禮，歹勢歹勢。