簡覆紅目遇---關於吳坤明先生的「聲調的語音、讀音對應關係」

紅目遇箸 2011,02,27,16:29留言：

吳坤明先生台語漢字尋查的理論，很深奧很複雜，不經詳細解釋、教導，我感覺一般人光看書本，不易讀懂。

拜您這個部落格之賜，我多少也了解吳先生在「聲調的語音、讀音對應關係」裡，說的並非很有道理。極可能就是您所謂的「不諳音聲」，只是不敢確定，因為個人實力的關係。

這些說法是由教臺灣語文的大學教授所推薦、鼓吹的，又是「2006 年大學基礎教育國際學術研討會」發表的論文，不曉得有沒有人提過質疑或拿出來討論？我想若真的有問題，有能力的人也不要裝迷糊，可否麻煩您針對這部分，提出一點仔看法。或者您同意吳先生的說法，也請您釋疑一下。

謝謝網頁是

http://www.knu.edu.tw/cge/main/%E4%B8%AD%E5%BF%83%E5%AD%B8%E5%A0%B1/%E9%80%9A%E8%AD%98%E7%A0%94%E7%A9%B6%E9%9B%86%E5%88%8A/09/%E6%9E%97%E6%94%BF%E8%8F%AF.pdf

我已經敲3次，電腦有問題啊？

紅目遇：

多謝報這篇論文，但是我猶無才調按 tsia5 理解吳 -先生的理論的內涵，當然是個人能力的關係。不而過若是針對汝所提出的問題 (著是林政華先生論文《臺灣語文學用字的康莊大道－談漢語本字的尋尋覓覓》的第29至第31頁「伍、聲調的語音、讀音對應關係」這個部分)，就我所知兮、看有兮的範圍，應該有法度大概仔講一寡個人的看法，亦嘛真有興趣，比如講頭一條：

一、陰平聲
1﹒轉為上聲（1→2），如：相、俑
面相chhiunn1 (tshiuN1)：siang2 戲俑ang1：iong2 兒

1. 面相 (tshiuN1)，進前我攏用「面腔」，拍算著像周長楫教授講 -兮： 「原來臺灣也有把國語 (普通話) 活生生翻成臺語而且又讀錯了音的例子 ( 「周長楫教授語錄簡評003---寂寞」)。」 周 -先生當時對台灣可能無介了解 (今仔有較了解 -無，我著毋知)，事實上這囉現象誠濟，像講「佩」講「配」、「經紀人」講「經濟人」(「回R君--「佩」的讀音」)。阿我想講「腔、槍」國語共音，「槍」台語讀 tshiuN1，著捎落去用，汝千萬毋通學 -我。

2. 相，台語的話音佮字書的音切，若像無做上聲的款。

3. 我認為「ang2 仔」才合實際，除了偏廈門腔、鹿港老泉腔以外，偏泉腔計講「ang24 a42」。洪惟仁教授箸「仔前變調」講上聲字保持原變調 (《臺灣河佬語聲調研究》自立，1993：64)，著。台語上聲有兩種變調，偏漳、廈變高平調 (陰平)，偏泉、同變高升調 (陽平)，鹿港老泉腔本調是高平調，變調參偏泉、同相 sang5，洪教授這本冊的內文音例是用偏漳音，m7 koh8 伊「俑仔」嘛有標「ang12 仔」(案，同上，〈標音符號說明〉：13。洪氏用IPA，調號是三度制「12」是上聲連讀變做陽平本調的調值)，這字是上聲字未毋著。 有的所在講「ang33 仔」是平聲調，毋知有 sang5 一字 -無？

4. 附記：
tsia5 咧講的「台語」並無包括金門話，金門話佮同安話共款，上聲的變調會隨連讀下字的調類變做兩種變調，敿廈門嘛無 sang5。實際上 in7 一寡字的讀音顛倒較倚咱 tsia5 的老派偏泉腔，若泉州音著佫較免講嘍；比如《彙音妙悟》「居」韻 in1 講 -ir，「科」韻 in1 講 -er，「[上能下火]」講 -aiN，這字是「熱」的意思，毋是「熊」-字 ……。周長楫教授揢金門、同安、廈門三個所在歸做「廈門話區」，若 (naN3) 像有較免強，個人的看法，金門話應該是泉州語系的同安音。

講才想 -著，「祖父」佮「祖母」同安話嘛是「公、嬤 (媽)」，in1 對頂輩的尊稱，頂字用「俺 (an2)」，「俺」是上聲，「公、嬤 (媽)」分別是陰平參上聲，照 in1 的變調規律，連讀的時變調頂字的應該無共款，但實際的口音毋知有分 (hun1) -無？才來請教人看 bai7 -咧，阮是讀做「an24 公、an24 嬤」，並無爭差。

著是安呢趣味啦，我先簡單寫徦 tsia5，有時間我才佫勻 naNh8 -看、斟酌想，若有一個段落，我會較詳細講分 (pun1) 汝知。