「知之」佮「不知」

我的電腦可能有問題，文章未使做修改，以後若有網友留言，我 khioh4 鬥陣，基本上箸月底做一擺回應。準電腦若恢復正常，我著照以前共款，踮 (tiam3) 每個月的「留言回覆」新增回應。

.

藏經閣外的掃葉人 - 2010,10,23,08:48 留言：

我不知道，「獅ㄝ」，你這次是不是「捨近求遠」，還是我「一路走來始終如一」，還在網路的另一端 tsi 1- li 5 ?

.

你只要去谷溝一下，網路上找不到「支釐」這個詞，有的只是「一支　釐秤」這個詞。

.

至於「支離」嘛，杜甫＜詠懷古跡五首＞……

.

藏經閣外的掃葉人：

.

上遠兮我引用小川尚義的《台日大辭典》，未上 (tsiuN7) 一百年，册我手頭著有。汝摕一兩千年前的唐詩佮《莊子》頂頭的資料，佫揣徦按 Google -去，啥人「捨近求遠」？這條汝徦未當 (tang3) 成立，我合理的推估，「一路走來始終如一」嘛 kan1 naN7 是汝家己咧講 -兮若爾，雖然我毋知汝咧行啥麼路。^-^

.

台語這句「tsi1 li5」kau3 taN1 猶有人咧用，毋是「死語」。

.

汝今仔敢毋是蹛 (tua3) 新竹？新竹在地人八十歲左右兮，應該猶有人 pat4「tsi1 li5」這句話，汝就近問看覓咧才來講，好 -無？

.

漢語的語詞絕對毋 kan1 naN7 存在箸歷代的「雅言」── 著是規範化的書面語內底，猶有歷代的口頭語詞，著是方言、俗語等。咧談論台語的語詞，未使無視這個事實。毋知頭毋知尾，去網路查查咧，著當做依據，安呢敢有通？

.

網路的材料無的確是一筆一中 -兮，何況汝摕的根本著風馬牛無相干的物件。

.

這句「tsi1 li5」有影真少人知阿，我毋才寫重注。當然，拄網友咧提起，阿《台日大辭典》的解說略仔有走形 -去，嘛是原因之一。