■ 台語 thang1 (a window) 的本字著是「窗」
dongxie – 2010,09,21,10:00 留言：
怪了，我9/18的流言怎會不見？連list上也沒了。為保險起見，我用mail給你，請去信箱看。
1. 毋知 neNh4，最近電腦怪怪，部分網友的留言顯示未 -出來。
2. 汝九月十八的留言內容我揣無，本來清單頂仔有看 -兮，但是尾仔嘛煞消失 -去。不而過，我箸當日有照汝講兮，去鷺水薌南寫意見，林 -先的回覆講：
進前佇阮 chia 的 “海墘論壇”，嘛有儂 kiau 汝有共款的主張。我 taⁿ 同意恁的觀點。
3. mail 我有看 -著，lin2 朋友講主張用【广同】-字的廈門大學教授，我認為毋是周長楫抑是林寶卿，因為箸 in1 的詞典計用「窗」。
3-1. 汝引用人講的《集韻》【广同】他東切，舍饗。
我講過【广同】台語會使讀 thang1，聲韻調無問題啦。汝講《集韻》的解說是「舍饗」，但我看 -著的《集韻》【广同】有「他東、徒東」兩音，計攏是「舍響」。
我用的是北京中華1985據北京大學圖書館藏宋朝刻本的影印，講「舍饗」是佗一個版本，我毋知影。《玉篇》嘛是做「舍響」，《康熙字典》講：「《集韻》他東切，音通。義同。」
3-2. 著算是「舍饗」好啦，準 lin2 朋友無抄毋著亦無抄落鉤；安呢，彼位教授的考證，講較無客氣 -兮，未時行啦。
引證六、七條《說文》、《詩經》、《禮記》 …… 的記載，計嘛咧講「向」著是「牖」。講「饗」佮「向」通，安呢「饗」著是「牖」，阿【广同】著是「牖」，所以著是 a window。
教授無講「饗」做「向」的出處有揢「向」做「牖」。簡單摕一個仔例：
《管子‧宙合第十一》：「故退身不舍端，修業不息版」，「不舍端」是不捨朝服，「舍」參「捨」通。「鍥而不舍、貪生舍義」的「舍」共款意思。
《左傳˙僖公二十三年》：「晉楚治兵，遇於中原，其辟君三舍。」tsia5 的「舍」是三十里，毋是「捨」。
《三國志˙呂布傳》：「君有國士之名，今天下大亂，帝主失所，望君憂國忘家，有救世之意；而君求田問舍，言無可采。」tsia5 的「舍」是處宅，毋是「捨」。
有事理嘛愛有事例，人聽了可能較會入耳。
■ 失蹤留言的留底
新鮮料理人 – 2010,09,15,15:45 留言：
Guá bô-thâi, mā bô-lâu- té.
我拄有掃描，最近電腦無啥穩定，本底我想講欲趁這個機會做測試。揢汝2010,09,14,11:45留言的留底，PO箸本文上頂頭的倒朋，但是失敗。
沒有留言:
張貼留言