● 肉感 (bah4 kam2) 是源自日語にっかん (肉感，讀にくかん嘛會使兮) 的台灣外來語。
台語大部分是咧形容人衫 tshing7 足少、身材好、hang3 奶 hang3 奶、肉材佫襸 (tsan2)；一般是咧講查某囡仔，特別是與人看著會起 tshio1 兮彼款的。
阿若彼囉無肉無腯 (thut4 / thut8)，嘛有人講是「骨感」。
咱 tsia5 的辭典，是陳修《台灣話大詞典》的解說，參我所了解台語「肉感」的意思較倚；不過，伊的「詞源」講了有問題：
肉感，sensual 的譯詞，原意是感覺的，肉慾的。今多用於所謂女明星之體態豐滿。(陳，遠流，1991：25)
其他的，像：
受肉體誘惑而產生的感覺。(楊青矗《國台雙語辭典》，敦理，1992：775)
多肉的感覺。(董忠司《台灣閩南語辭典》五南，2001：35)
多肉的感覺。一般多指體態豐滿。(教育部，《台灣閩南語常用詞辭典》)
攏解釋了毋是真完全，阿「詞源」嘛無交代。
● 這句話毋是固有詞，所以讀音著無限定是「肉 kam2」。
有人讀做「肉 kang2」，我 pat4 親耳聽過，伊「鹹兮 (kiam5 e1)」嘛講做「kiang5 e1」。
王順隆有安呢寫：
【肉感】bah4 kam2 / bah4 kang2
查過了日語辭典，應該可以認定這是來自日語的外來語。以現代話來說，就是「性感」。
にっ‐かん〔ニク‐〕【肉感】
１ 肉体に起こる感覚。
２ 性欲をそそる感じ。「―を刺激する」
只是我從小聽到的好像都是【bah4 kang2】，但若以語源的漢字來看，應該讀作【bah4 kam2】才是。不知是我聽錯了？還是變音了？
請大家上來見證一下，把自己的發音貼上來。
(2008,12,18台湾語の広辞苑-肉感)
王先生提證據講台語的「肉感」是按日本話來兮，毋是凊采講講兮，這愛揢肯定，嘛是咱愛學習參欲追求的做法。
對伊「肉感」讀音的討論，個人有一屑仔感想。
1. 箸伊的 blog 一位網友留言，講：「我家是唸bah4 kang2沒錯。」
王先回覆：
感謝見證。
bah4 kang2 一票
這真趣味，咧研究漢語聲韻的，普通有人會揢分做「審音」佮「考據」兩派，今仔會使佫加一個「民主」派；其實「多數決」這個アイディア (idea) 嘛未 bai2，準逐個共識若有一致，上少，嘛較會無事屎。
2. 了後，我有留言，講應該讀做「bah4 kam2」。
王先回覆：
我想可以認定是，bah4 kam2 訛化成 bah4 kang2。
兩個讀音都可以被認可才對。
這無問題啦，欲講做「bah4 kang2」無 (bo9)、人欲「認可」抑 buai9，計是在人的自由。
是講，毋知會使建議以後讀「肉 kang2」的時，上好是用標音的，正經一定愛用漢文的時，著寫做「肉港」(用「肉講」較無通，減采有人會講做「肉 kong2」)，理由是：
今仔一寡人的合唇鼻音 -m 都講了未啥會輾轉 (lin3 ting2)，變發對舌尖鼻音 -n 去，像「足感心、枕頭、啉酒 ……」taN7 按「足 kan2 心、tsin2 頭、lin1 酒 ……」去。準若佫加一種舌根鼻音 -ng 的讀法，heh8 著傷過頭鬧熱啊。
● 閒閒無話講 ka1 lo2，心適代。絕對無存一點仔咧品並 (phin2 phing7) 抑是剾削 (khau1 siah4) 的用意。準若有一屑屑仔欲叫人「聞之者足以戒之」彼囉臭破布味仔，我相信、嘛主張「言之者無罪」，這點愛聲明一下。
5 則留言:
版主
☆ 還真靈A，你介紹陳教授的那些方法
☆ 偶速說既然你是主張台語跟閩南語不同
是否可用簡單點、人家容易懂的方式說明
☆ 肉感肉感肉感 ～ ～ ～
就是性感嘛
☆ 林先生偶不熟，您幫偶問
謝謝
☆「言之者」是誰？你？王先生？
有一次跟一位在日治時代讀過漢學(私塾)的老先生請教台語，例如「參差荇菜，左右流之」，「流」字的解釋。
順便問一下心中的疑問，我才起個頭說：「肉字讀成 jiok8, 可是讀成 bah4 的時候比較多」，問題還沒說完，他就往我的 ue7 tau5 話頭踩下去：「bah4 是平埔音。」
我不知道他是怎樣得到這個結論，請問版主有何相關的資料嗎？
RORO：
1. 另外徐超的書頂頭講的資料，字數傷濟，我 bin7 tuaN7 拍字，歸事等咧 scan 一下，mail 與汝。
2. 講這欲 niN5？
3. 嘛有「性感」的意思，著啦。
4. 未要緊啦，伊人好鬥陣未激屎，佫 pat4 e9 真濟。這回我替汝處理，後遍汝家己問。
5. 當然嘛是咧講我。m7 敢會使隨便講人「有罪」抑「無罪」，著毋是判官 koh8，咱哪有彼囉資格佮才調啦。哈！汝想傷濟 a7。
====================
藏經閣外的掃葉人：
「肉」台語講 bah4，個人的看法，無 sing5 是「平埔音」，因為我所了解各地的讀音：
泉州 -- bah4、mah4、hik8、hiak8、liok8
廈門 -- bah4、hik8、liok8
漳州 -- bah4、hik8、jiok8
龍岩、東山 -- 亦講 bah4
台語古早嘛有讀 mah4、kik8，mah4 是偏泉腔區專用的，kik8 著無分地域，比如：肉身 hik8 sin1、鴨肉 ah4 hik8。
liok8、jiok8 是「肉」的文讀，hik8、hiak8 是話音。bah4 是「にく」用「肉」可能是借字，這個音可能有其他的來源，但應該毋是「平埔音」。若無，閩南地區亦講 bah4、mah4，這個事實著歹解說囉。我無證據講 bah4、mah4 是按台灣時行 kau3 福建去的，準若有人考求出來，這嘛會使算是學術上的一大突破。
黃慶三先生云：連雅堂所講「按愛玉子，即薜荔」並無正確
提問1，愛玉怎會讀ò-giô
提問2，薜荔台語如何說
http://taigu.fhl.net/life/life149.html
版主乃新竹特殊語詞達人，水田是漢人入墾初期聚落，現水田在地人仍稱愛玉為偏拋
新竹原為竹塹社，原住民為平埔之道卡斯族
偏拋一詞或為平埔語
感謝版主的回覆
也希望可以早日讀到你的新文章
sendy：
1. 中古漢語「咍」韻咱無讀「-o」的字例，「愛」哪會唸「o3」我未曉。不過我pat4聽人講「愛」上古音屬「物」部，泉州腔會使讀「er」，同部的「未、妹」怹徦目前ia2是唸「-er」韻，罔參考著好。
「玉」是入聲字，哪會讀陽平調，這我亦毋知。「玉葉」我pat4聽一位台南的歌友唸做「gioh hioh8」，林金鈔先生《閩南語研究》有唸「gio8」的記載，但毋是唸「gio5」。
2.「薜荔」阮讀「pi7 le7」，古漢文用例誠濟。
3. 毋通誤會，我絕對毋是新竹特有詞的「達人」，只是有興趣，阿亦有一寡拄好會記 *兮。
4. 黃慶三先生的按怎講，我毋知，愛玉是台灣的特有種，當然參別位兮未是共一種物件。毋佫新竹人講「phien1 phau1」拍算本來著是咧講「薜荔」，「薜荔」箸屬閩南語系的雷州話號做「tiam1 phau1」寫做「甜拋」，「偏拋」應該毋是平埔話。
「愛玉」固然是台灣的特有亞種，咱古早咧號名無hiah4「支釐」啦，「熊」著講做「熊」，未去講「台灣熊」抑「唐山熊」。「虎」著是「虎」，乾若有「公母、大細隻」的爭差，哪有咧分「西伯利亞虎、蘇門達臘虎、孟加拉虎」？非洲來兮，印度、泰國來兮的象，咱攏泛稱做「象」。個人認為連雅堂講 *兮，正確；baiN3搦準咱語族的先人逐個計攏是生物學家，呵呵。
5.「phien1 phau1」的「phien1」漢字是啥，我未hiang2。阮漢文先兮講「phau1」是「雹 (phauh8)」的變讀，「薜」會使讀「雹」。
張貼留言