2011年6月3日 星期五

留言回覆 June 2011


路毋是一條若爾

Haiker - 2011620日上午8:45 留言:

好飵、大碗佫滿墘?沒這種好光景吧,一張選票換一個電視台?別傻。還是一句老話,只要活在這裡,就離不開政治。母語工作也一樣,不然那些南社的人吃飽英英美代子?試著懂點政治,多參與,絕對不是壞事。

好像沒有主張全羅的來跟你對槓過,討厭你還是心虛,你覺得呢?

Haiker 兄:

1. 無免強。投票嘛愛開時間,有時仔寒鑽鑽佫雨 tam5 -滴,我甘願勼咧處 -兮蹺骹,較舒 (soo1)

2. 對南社我 kan1 naN7 知影有一位張復聚 -兮,以前定定箸新聞的副刊寫一寡有關台語的文章。會有印象,著是伊著 -兮亦寫、毋著 -兮亦寫 (我指台語的語源這部分)。結果煞顛倒是製造機會與無 sang5 立場的人摕來反駁。其他兮,in1 對維護母語有啥具體的貢獻佮成果,我真正無了解,可能是我孤陋寡聞,事實上我有影未去注意這個社團相關的代誌。

3. 若有拄陣我才紹介清華先佮汝熟似,伊講箸台灣 pat4 政治比學拍麻雀佫較簡單、佫較緊。我與麻雀害徦險未畢業,佫接續政治,阿我這世人毋煞著烏有 -去?哈哈。

4. 哪會逐項攏欲想對 bai2 -兮去?意見ちゃんぽん會使互相尊重,汝毋別聽過殊途同歸?路著毋是一條若爾。其實我 pat4 咸人「對槓」-過,箸別人的部落格。「討厭」我毋知,「心虛」in1 拍算未啦。

(2011.06.21.07.00)

宜蘭腔、台語音標

新鮮料理人 - 201168日上午9:43 留言:

一,這角欲講的「宜蘭腔的 -uiN」:5. 宜蘭腔講「-uiN」兮,其他的所在,普通計講做「-ng

為何加上「普通」?如果是「非普通」--咧?

二,比較正規的字、辭典、冊,或網路寫台文,通常是用「ian (緣、鉛、先、建等等)」,先兮你是用「ien」。請教你,有啥物特殊的意義?多謝。

料理人:

1. 是安呢啦,減采有例外。pat4 聽宜蘭人「芫荽 (ien5 sui1)」稱「iam5 suiN1」,我有向林建輝請教 -過,伊講 in1 正正著是這囉講法。這字「荽」其他的所在無讀「-ng」,當然,我亦未當確定「iam5 suiN1」著是寫「芫荽」,所以有所保留。

2. 換我請教 -汝,董同龢《廈門方言的音韻》、《四個閩南方言》,林金鈔《閩南語研究》、《閩南語探源》…… 這寡冊,箸汝的標準算「正規」-無。嘛毋是講兩位前輩者用 ien 我著綴 in1 ien,事實上 ienian 根本是兩個無 sang5 的音。台語猶有 ian 的音,我臨時 (liam5 si5) te3 揣例與汝,不過汝會使聽下骹這條歌,箸51秒的所在,「胭脂」著是唱 ian tsi,參咱一般講的 ien tsi 小比較 -咧,著會清楚。阿漳州音嘛猶有 ieen (iεn),哪會使濫濫鬥陣?我實在想無,這寡人講著是啥聲韻學、語言學的博士,天烏一朋。


video

http://www.youtube.com/watch?v=rxnvg2g7xXQ

(2011.06.08.21.00)


安機關

阿清 - 201166日上午10:09 留言:

我姊夫才姓黃,妹仔愛叫姑丈,非姨丈。支三特字的原文是...閩方言支韻特字雖然反映了上古音的內容,但他很

可能是通過流行於魏晉南北朝的江東方言傳入的...請注意「很可能、江東」。據天來說說你共鍠a針對台語龜是吳音的再生品與否,有demo過,聽說你只提一個簡單問題就結束了,若有此事,願聞其詳,因為我也想當你的拳頭部隊,一笑。

清華先:

1. 記了 taN5 -去,失禮失禮。

2-1. 請教 -汝,「可能」敿「無啥可能」佗位無 kang5?計是「無確定」嘛!不過是無確定的物件而已,佫揚徦 (kah8),未輸若 (naN2) 新發見、新理論 -咧。冠學先講:「人文科學在今日所以不被看重,乃在於不必有根據,不必是事實,可以胡說。像發射有人太空艙,若計算有一丁點兒差錯馬上鬧人命問題,真假立見,且要負法律責任。但是一般人文科學,不但真徦不能立見,還不負法律責任。故治人文科學的人可以肆意,愛怎麼講就怎麼講 ……」,這款先講先贏,毋著免改嘛未要緊的學術風氣,有啥通鼓吹?

2-2.
汝原文進前敢毋是有一句:「西晉末年發生『八王之亂』,北人大規模南逃,部分移民就把原歌部支韻字唸低元音的現象帶到吳地」?當然我亦了解網友拍算會誤會,我才補充一個「江東」無限定是「吳語區」的題外話。

3. 有影啦,舊年生日 in1 -我,在座咸我有五個人,鍠仔草 giang3,欲參我討論一下「龜」-咧。我想講 kan1 naN7 伊是文科兮,傷理論性的物件別人捎無,安呢著無結論、毋知輸贏,所以我著先問伊:「支微入魚,吳語歸、龜同音,準若台語綴吳語,咱哪會無 kang5 音?」鍠仔講這條我挑工激毋寫、囥步,當場我是應伊講這囉現現現兮物件,哪著寫?事實上我有影安機關。

4. maiN3
講笑,汝是專業 -兮,佮汝比,我是土民豕朝,若欲指導我歡迎。不過這篇我嘛有安機關,毋是我厚心行 (hing7),網頂PO文著是安呢才趣味。

牽牢牢、記條條

mysky - 201165日下午9:36 留言:

我對"共你攬牢牢"較有興趣。

""唸作tiâu是何道理?

mysky

「牢」講 tiau5,上大的爭議是出箸聲母。一般來講「來」母台語是發 l-,不過有人主張是 d-,比如「老」講 dau,才按 d- t-,這有較免強啦。除去根據書面資料,目前所有漢語方言,無徦一個講 d-,包括閩語全部。另外,台語並無其他「來」母讀 t- 的字例,有人講「條」台語會使講 liau5,所致 t- ←→ l-,拍算古早有 tl- 的複聲母,這我著無清楚嘍。台灣教育部《台灣閩南語常用詞辭典》 亦用「牢」,我無去掀看有「說帖」-無,減采汝若知,勞煩汝小拍報 -一下。

(端午)


關於「嫷面」

RORO - 201163上午9:07 留言:

嫷面

馬不知臉長

台語有其他的近似詞嗎


請教

這是日常口語還是書面語

RORO

有人講「圓仔花毋知 bai2,大紅花 bai2 無知」,《台日大辭典》有。又,「嫷面」是日常口語,「豬哥亮餐廳秀 訪問陳盈潔」陳盈潔:「汝無咧嫷面啦。」著是咧詼對方家己毋知 bai2

沒有留言: