回覆有關「教育部的網路辭典」等

(這 liah4 的「教育部的網路辭典」是指台灣教育部線頂辭典《台灣閩南語常用詞辭典》)

新同學：

1. 汝2009,11,28「阮」 [注2] 所寫的，我有話欲講。

今仔汝看著的，是辭典編輯佫改過的，若毋信，汝會使去問 in7。

我咧引用網路資料的時，若無先 tshih8 電腦齒盤 (a keyboard) 頂頭的「Prt Ser SysRq」備存資料，嘛攏會做 copy，所以有留底。

in1 進前確實是寫：「阮，音讀，『文guán』、又唸作gún。」而且箸詞目「阮」正朋無「替代字」的符號，音讀的所在有標「文讀」的符號。

我是安呢想兮，咱箸辭典的「臺灣閩南語常用詞辭典-意見回饋」討論區毋管是發文、抑是做回應，若有去修改，in1 程式系統攏自動會做統計，而且箸該篇文章的下骹，會顯示：「這篇文章被編輯了幾次. 最近一次更新是在某月某日某年的幾點幾分」，這真好。準辭典本身若有這囉「更新紀錄」功能，應該是佫較會合「規格」。

2. 其實這部 (pho7) 辭典的內容，無合事實的所在猶真濟，當然，有可能是骹手無夠，這我毋知；但是我認為一直想欲揢 (ka7) 辭典做與大部，才是真正的原因。「常用詞」著是「常用詞」，毋免的確著包山包海，外濟塗糊外濟壁，這定著的。

3. 用我的文章做題討論，我真歡迎亦感謝。不而過，既然徦有想欲鬥熱鬧揷一骹 (tshap4 tsit8 kha9)，kan2 無愛考慮家己去揣一寡資料，比如講這部辭典的內容，若發見有 ting5 taN5、存疑的所在，著 ka1 摕出來討論。看欲箸辭典的討論區，抑是踮 (tiam3) 汝「熱鬧 vs 門道」這個 blog 發表都攏可以，安呢是毋是較有意義？